पालकमंत्री नितेश राणे यांच्या वाढदिवसानिमित्त २१ जूनला मोफत छत्री वाटप
नगरसेविका ॲड. प्रणाली माने व सामाजिक कार्यकर्ते मिलिंद माने यांचे आयोजन
देवगड: प्रतिनिधी
मत्स्य आणि बंदरे विकास मंत्री तथा देवगड-कणकवली-वैभववाडी विधानसभा मतदारसंघाचे लोकप्रिय आमदार व सिंधुदुर्गचे पालकमंत्री नामदार नितेश राणे यांच्या वाढदिवसाचे औचित्य साधून नगरसेविका व माजी नगराध्यक्षा ॲड. प्रणाली माने यांच्यामार्फत देवगड येथे मोफत छत्री वाटप कार्यक्रमाचे आयोजन करण्यात आले आहे.
हा कार्यक्रम रविवार, दिनांक २१ जून २०२६ रोजी संध्याकाळी ४.०० वाजता देवगड येथील प्रभाग ९ मध्ये ‘महापुरुष पार, जगतापवाडी’ येथे पार पडणार आहे.
लोकप्रतिनिधींकडून अनोखी शुभेच्छा
जनतेचे प्रश्न सोडवण्यासाठी नेहमी तत्पर असणारे लाडके आमदार नितेश राणे यांना वाढदिवसाच्या हार्दिक शुभेच्छा देत पावसाळ्याचे दिवस लक्षात घेऊन नागरिकांसाठी या उपयुक्त उपक्रमाचे आयोजन करण्यात आले आहे.
या कार्यक्रमाचे आयोजन सामाजिक कार्यकर्ते मिलिंद आ. माने आणि देवगड जामसंडे नगरपंचायतीच्या माजी नगराध्यक्षा, माजी सभापती (पाणी पुरवठा व जलनिसारण समिती) तथा वॉर्ड क्र. ०९ च्या विद्यमान नगरसेविका ॲड . सौ. प्रणाली मिलिंद माने यांच्या मार्फत करण्यात आले आहे.